स्वास्थ्यमन्त्री खापुङ्गको छड्के

काठमाडौ । स्वास्थ्य तथा जनसंख्यामन्त्री भवानी खापुङ्ग आफ्नो मन्त्रालय मातहतका कार्यालयहरुमा छड्के चेकजाँच कार्यलाई तीव्रता दिनुभएको छ । मन्त्री खापुङ्गले आज विजुलीबजारस्थित औषधि ब्यवस्था बिभागमा अनुगमन र निरिक्षण गरि विभागको अवस्था, बिभागबाट प्रवाह हुने काम कार्यबाहीबारे जानकारी लिई आवश्यक निर्देशन दिनु भयो ।

अनुगमनका क्रममा उहाँले कार्यसम्पादनको क्रममा देखिएका चुनौतिहरु समाधान गर्ने बचनबद्धता ब्यक्त गर्नुभयो ।
अनुगमन पछिको संक्षिप्त कुराकानी गर्दै नेपालमा उत्पादन हुने औषधी नेपाल मै प्रयोग गर्नु पर्ने, स्वदेशी औषधिको उपभोगमा ध्यान दिनु पर्ने कुरामा जोड दिनुभयो ।

सोही अवसरमा मन्त्रालयका सचिब देब कुमारी गुरागाईंले औषधि व्यवस्था बिभागको संक्षिप्त परिचय, स्थापना , ईतिहास, संगठनिक संरचना, कार्यालयको अबस्था, कर्मचारी दरबन्दी, सार्बजनिक सेवा प्रवाहको अबस्था, बिभागले गर्ने काम कारबाहीहरु बारे त्यहाँ पुगि प्रकाश पार्नुभएको थियो ।

साथै कार्यसम्पादनमा जनशक्तिको कमी भएकोले केही चुनौती भएको सचिव गुरागाईंले मन्त्रीसामू गुनासो समेत गर्नुभयो । अनलाइन प्रणालीबाट औषधी खरिद बिक्रिको अनुगमन गरी भन्सारमा फार्मेर्सी जनशक्ति ईकाई स्थापना गर्नु पर्नेमा सचिव गुरागाईंको जोड थियो ।बिगतमा राज्य मन्त्री रहेका खापुङ फुल मन्त्री भए सगै उहाको काम गर्ने शैली समेत परिवर्तन भएको कामको लयले प्रष्ट पारेको छ।