January 29, 2023
काठमाडौँ । लोक सेवा आयोगले एक अर्काबाट उत्तर साटासाट गर्ने २ जना परीक्षार्थीलाई कारबाही गरेको छ । खरिदार वा सो सरह पदको ३० पुस २०७९ मा लोक सेवाले लिएको परीक्षामा सहभागी भई उत्तर पुस्तिका एक आपसमा साटेर लेखेको भन्दै आयोगले कारबाही गरेको हो ।
जयप्रकाश यादव र राजनारायण रायको उक्त विज्ञापनसँग सम्बन्धित उत्तर पुस्तिकाहरू रद्द गरिएको आयोगले जनाएको छ । साथै उनीहरूमध्ये यादवलाई २ वर्ष र रायलाई १ वर्ष परीक्षा दिन नपाउने गरी कारबाही गरेको छ ।
आयोगले लोक सेवा आयोग ऐन, २०७९ को दफा ४० (१) (क) बमोजिम कसुर गरेको प्रमाणित भएकाले सोही आधारमा कारबाही गरेको आयोजनाले जनाएको छ ।
प्रकाशित मिति:January 29, 2023
November 23, 2024
