जनज्योति बहुमुखी क्याम्पसको अध्यक्षमा पत्रकार कार्की निर्विरोध
१४ जेष्ठ २०८०, आईतवार
रौतहट १४ जेठ। रौतहटको चन्द्रनगाहपुर स्थित जनज्योति बहुमुखी क्याम्पसको अध्यक्षमा पत्रकार सञ्जय कार्की निर्विरोध चयन भएका छन्।
चन्द्रपुर ६ स्थित जनज्योती बहुमुखी क्याम्पस चन्द्रनिगाहपुरमा व्यवस्थापन समितिको लागी निर्वाचन प्रक्रियामा अगाडी बढिसकेको समय सहमति भएको हो। सहमति अनुसार व्यावस्थापन समितिको अध्यक्षमा संजय कुमार कार्की निर्विरोध निर्वाचित भएका छन् ।
अध्यक्ष कार्की सहित सदस्यहरुमा बालकृष्ण श्रेष्ठ ,नारायण बहादुर न्यौपाने ,श्यामलाल ठोकर ,तारादेवी सापकोटा ,चिरन्जिवी गौतम ,राजेन्द्र तिवारी,श्रृजना सुनुवार र फुलचन राई निर्विरोध निर्वाचित भएको निर्वाचन संयोजक मिश्रीलाल साहले जानकारी दिएकाछन् । कार्की चन्द्रनिगहपुर घरभई लामाे समय देखि पत्रकारीता क्षेत्रमा क्रियाशील रहेका छन्।
