एआईजीका दुई पद रिक्त, यी ३ जनाको प्रतिस्पर्धा

काठामाडौँ । तत्काल नेपाल प्रहरीमा एआईजीका दुई पद रिक्त रहेका छन् । सरकारले रिक्त एआईजी पदलाई पनि बढुवामार्फत पुर्ण गर्ने तयारीमा लागेको छ । तत्कालै नयाँ प्रहरी महानिरीक्षक नियुक्त पनि गरिसकेको छ । महानिरीक्षक पश्चाल सरकार एआईजीमा पनि बढुवाको तयारी गरेको छ।

एआईजीको लागि प्रतिस्पर्धामा को—को?

दुई रिक्त पदका लागि तीन डिआईजीबीच चर्को प्रतिस्पर्धा छ। बरियता र योग्यताका आधारमा निरजबहादुर शाही र प्रद्युम्न कार्की स्वभाविक उम्मेदवार हुन्। तर, जुनियर डिआईजी विश्वराज पोखरेल पनि अहिले एआईजी हुने दौडमा छन्।

जसकारण प्रतिस्पर्धा पेचिलो बनेको छ। आईजिपी बढुवामा बरियता र कार्यक्षमतालाई आधार बनाएर निर्विवाद भएको भन्दै प्रचार गरिरहेको सरकारलाई एआईजी बढुवामा संगठनको चेन अफ कमाण्ड बिग्रने गरी निर्णय गर्न नैतिक रुपमा समेत गाह्रो छ।

एआईजी बढुवालाई प्रहरी महानिरीक्षक शैलेश थापा क्षेत्रीको पहिलो परीक्षा ठानिएको छ। गृहले एआईजी र डिआईजी पदमा बढुवाबारे तयारी गर्न उनलाई नै भनिसकेको छ। एआईजी बढुवा भएको अवस्थामा डिआईजीका तीन पद रिक्त हुनेछन्। जसमा आईजिपीकै ब्याचका एसएसपीहरु दाबेदार छन्।
असारभित्र बढुवा नभएपछि कात्तिकमा पुग्ने भएकाले बढुवाका दाबेदारहरुको दौडधुप बढेको छ।