June 26, 2023
काठमाडौँ । पशुपति क्षेत्र विकास कोषका पूर्वसदस्य सचिव प्रदीप ढकालविरुद्ध अकुत सम्पत्ति आर्जनको आरोपमा अख्तियार दुरुपयोग अनुसन्धान आयोगले विशेष अदालतमा भ्रष्टाचार मुद्दा दायर गरेका छन् ।
अख्तियार दुरुपयोग अनुसन्धान आयोगले पशुपति क्षेत्र विकास कोषका तत्कालीन सदस्य सचिव डा. ढकालविरुद्ध गैरकानूनी सम्पत्ति आर्जनको अभियोगमा भ्रष्टाचार मुद्दा दायर गरेको हो ।
पदमा वहाल रहँदा गैरकानूनी सम्पत्ति आर्जन गरी भ्रष्टाचार गरेको ठहर गर्दै अख्तियाले उनीविरुद्ध भ्रष्टाचार मुद्दा दायर गरेको हो । आज सोमबार विशेष अदालतमा ढकालविरुद्ध भ्रष्टाचार मुद्दा दायर गरेको अख्तियार स्रोतले जनाएको छ ।
उनको ६ करोड ३९ लाख ९३ हजार ३ सय १२ रुपैँया ४१ पैसा सम्पत्ति देखिएकामा त्यसमा १ करोड ४० लाख ११ हजार ७ सय ८१ रूपैंया ७१ पैसा अवैध देखिएकाले सोही रकम बराबरको विगो कायम गरी आज विशेष अदालतमा मुद्दा दायर गरिएको हो ।
२०७४ साउन ३२ गते तत्कालीन पर्यटनमन्त्री जितेन्द्र देवले ढकाललाई पशुपति विकासको कोषको सदस्य सचिवमा नियुक्त गरेका थिए । ढकालले ४ वर्षे कार्यकाल पूरा गरी २०७८ साउनमा अवकाश लिएका थिए ।
प्रकाशित मिति:June 26, 2023
November 23, 2024
