निर्वाचन आयोगको निर्णयविरुद्ध रास्वपाका ४ सांसद अदालतमा

काठमाडौं । राष्ट्रिय स्वतन्त्र पार्टी (रास्वपा) का ४ जना सांसदहरूले निर्वाचन अयोागविरुद्ध उच्च अदालत पाटनमा रिट दर्ता गराएका छन् । सोमबार संघीय सांसदहरू विराजभक्त श्रेष्ठ, शिशिर खनाल, सोविता गौतम र गणेश पराजुलीले आयोगविरुद्ध रिट निवेदन दर्ता गराएका हुन् । निर्वाचन खर्च विवरण बुझाएर सार्वजनिक गर्दापनि १५ हजार जरिवाना तोकेको भन्दै उनीहरूले उच्च अदालत पाटनमा रिट दर्ता गराएका हुन्। रिटमा निर्वाचन आयोगले कारबाही गर्नुपूर्व स्पष्टिकरण सोध्नुपर्ने र दिएको स्पष्टिकरण चित्तबुझ्दो नभएको अवस्थामा मात्र कारबाही गर्नुपर्ने उनीहरूले् माग गरेका छन् ।