एमालेको स्थगित सचिवालय बैठक १३ गते बस्ने

काठमाडौँ । नेकपा एमालेको भदौ ९ गतेलाई तय भएर अन्तिम अवस्थामा स्थगित भएको केन्द्रीय सचिवालय बैठक १३ गतेबाट सिराहामै बस्ने भएको छ ।

धनगढीमाई नगरपालिकामा सारे अम्बासमा बस्ने भनेको ९ गतेको बैठक निरन्तरको वर्षाका कारण भदौ १३ गतेलाई सारिएको नेकपा (एमाले)का केन्द्रीय सचिव योगेश भट्टराईले जानकारी दिए ।

एमालेले निरन्तर वर्षाका कारण नौ गतेको बैठक १३ लाई सार्नु परेको जनाएको छ । तत्कालीन माले (हालको एमाले) ले २०४६ सालमा सिराहाको एक काठ घरमा चौथो महाधिवेशन गरेको थियो । सोही महाधिवेशनले मदन भण्डारीलाई महासचिव निर्वाचित गरेको थियो ।