अभिनेता रणवीर सिंहले पहिलोपटक दीपिकाको बारेमा बोलेका छन्

बलिउड अभिनेता रणवीर सिंहले पहिलो पटक अभिनेत्री दीपिका पादुकोणसँगको आफ्नो सम्बन्ध बारे खुलेर बोलेका छन् ।रणवीर सिंह र दीपिका धेरै कार्यक्रमहरुमा सँगै देखीएको र उनीहरु बिच प्रेम सम्बन्ध रहेको अड्कल बाजी काटिंदै आएकोमा हाल रणवीर सिंह स्वयंमले यो कुरा स्विकार गरेका छन् । उनले भारतीय टेलिभिजनको एक कार्यक्रममा बोल्दै दीपिकाको साथले आफु निकै खुशी भएको र दुई बिच मायाको सम्बन्ध भएको स्वीकार गरेका छन् ।

उनले भनेका छन् ‘यो सम्बन्ध आपसी माया जस्तो हो । उनलाई आफ्नो जीवनमा पाएर मलाई धेरै रमाइलो महसुस हुन्छ ।’ उनले थपे ‘म दीपिकालाई अभिनयको मामलामा निकै अगाडि राख्छु, तर उनी आफूलाई त्यति अगाडि नरहेको बताउँछिन् । एक कलाकारको हिसाबले मैले उनीबाट सिक्नुपर्ने धेरै कुरा छन् । ’

त्यस्तै रणवरिले दीपिकासँगै काम गरेका ‘बाजीराव मस्तानी ’, ‘रामलीला ’ र ‘पद्मावत’ जस्ता फिल्मले दुवैबीचको सम्बन्ध सुमधुर बनाएको स्वीकार गरेका छन् ।केहि समय अघि मात्र प्रदर्शनमा आएको यी दुई कलाकारको अभिनय रहेको फिल्म ‘पद्मावत’ले बक्स् अफिस हिट गरेको थियो ।