विशेषको फैसला चित्त नबुझेपछि सर्वोच्च पुग्यो अख्तियार (प्रेस मिज्ञप्ति सहित)

भ्रष्टाचार मुद्दामा विशेष अदालतबाट भएको फैसला चित्त नबुझेपछि अख्तियार दुरुपयोग अनुसन्धान आयोग पुनरावेदन लिएर सर्वोच्च अदालत पुगेको छ ।

श्यामकृष्ण च्वामू श्रेष्ठसहति सात जनामाथि गैरकानुनी सम्पत्ति आर्जन गरेको अभियोगसहित दायर भएको मुद्दाको फैसला चित्त नबुझेको भन्दै अख्तियार सर्वोच्च गएको हो । अख्तियारले उनीहरुविरुद्ध १४ करोड ६१ लाख २४ हजार ४७८ रुपैयाँ बिगोसहित मुद्दा दर्ता गरेको थियो ।

आयोगका प्रवक्ता भोला दाहालले सरकारी सार्वजनिक सम्पत्ति हानि नोक्सनी र गैरकानूनी सम्पत्ति आर्जन गरी भ्रष्टाचार गरेकोसम्बन्धी मुद्दामा सर्वोच्चमा पुनरावेदन गरिएको जानकारी दिए । 

झूठा बिल भरपाई बनाई सरकारी रकम हिनामिना गरी भ्रष्टाचार गरेको आरोपमा शिवबहादुर गुरुङसहित चार जनाविरुद्ध दायर भएको मुद्दामा विशेष अदालतको गत माघ २५ गतेको फैसलाले सफाई दिएको थियो । 

त्यस्तै, गैरकानूनी रुपमा सम्पत्ति आर्जन गरी भ्रष्टाचार गरेको आरोपमा मुद्दा चलाइएका चिरञ्जिवी थापासहित दुई जना;लाई विशेषले गत फागुन २३ गते क्लिनचिट’ दिएको थियो । ति दुवै फैसलामा आयोगको असन्तुष्टी छ ।