October 1, 2023
धादिङ्ग । सुरबी फाउण्डेशनले चेपाङ बस्तीमा पानी तान्ने मोटर वितरण गरेकाे छ ।
धादिङ्ग जिल्लाको बेनिघाट रोराङ्ग गाउँपालिका वडा ३ माथिल्लो ओर्बङ्ग स्थित चेपाङ बस्तीमा सुरबी फाउण्डेशनले पानी तान्ने मोटर वितरण गरेको हो ।
५२ घर धुरी रहेको चेपाङ बस्तीमा खानेपानीको समस्या विगत लामो समय देखि रहेको छ । पानी लिनको लागि २ देखी ३ घण्टा हिडेर जानुपर्ने बाध्यतालाई रोक्न सुरबी फाउण्डेशनका अध्यक्ष कविन शाक्य र सल्लाहकार सरोज गर्तौलाको रोहवरमा (६००मिटर भर्टीकल हाइट र १५०० मोटर पाइप लाइनको) पानी तान्ने मोटर बितरण गरिएको हो ।
यस योजनामा सहयोग हात बढाउने कृषि बैंक लिमिटेडलाई धन्यवाद दिदै फाउण्डेशनका अध्यक्ष शाक्यले आगामी दिनहरुमा पनि सहयोग गर्ने बताएका छन ।
बस्तीमा भएको खानेपानीको समस्यालाई समाधान गर्नका निम्ति फाउण्डेशनले गरेको सहयोगले घण्टौं लगाएर पानी लिन जान पर्ने समस्याबाट छुट्कारा पाउने चेपाङ समुदायले बताएका छन् ।
आफ्नो पहलमा फाउण्डेशनद्वारा चेपाङ बस्तीमा सहयोग प्राप्त भएको स्थानीय समाजसेवी ऋषि नाथ त्रिपाठी र बैकुण्ठमान जोशीले बताएका छन ।
प्रकाशित मिति:October 1, 2023
November 23, 2024
