भारतमा कोरोनाको भयावह, सङ्क्रमितको संख्या १५ लाख नाघ्यो

काठमाडौँ । भारतमा ‘कोभिड १९’ सङ्क्रमितको संख्या १५ लाख नाघेको छ। पछिल्लो २४ घण्टामा भारतका ४८ हजार ५ सय १३ जनामा कोरोना पुष्टि भएको छ ।

योसँगै भारतमा कुल सङ्क्रमितको संख्या १५ लाख ३१ हजार ६ सय ६९ पुगेको त्यहाँको केद्रिय स्वास्थ्य मन्त्रालयले बुधबार जनाएको छ।

भारतमा गत २४ घण्टामा कोरोना भाइरसको सङ्क्रमणका कारण ७ सय ६८ जनाको मृत्यु भएपछि कुल मृतकको संख्या ३४ हजार १ सय ९३ जना पुगेको छ ।
सरकारी अधिकारीहरुका भारतमा कोरोना भाइरस सङ्क्रमित मध्ये ९ लाख ८८ हजार २९ व्यक्ति निको भएर फर्किएका छन् । हाल भारतमा ५ लाख ९ हजार ४ सय ४७ जना कोरोना भाइरस सङ्क्रमित अवस्थामा रहेका छन् ।