लोबुचेमा मनाङ एयरको हेलिकप्टर दुर्घटना

सोलुखुम्बु  । मनाङ एयरको हेलिकप्टर सोलुखुम्बुको लोबुचेमा दुर्घटनामा परेको छ ।  ओखलढुङ्गाको रुम्झाटारबाट लोबुचे उडेको हेलिकप्टर अवतरणका क्रममा दुर्घटना भएको हो । ​

स्राेतका अनुसार हेलिकप्टर पूर्ण रुपमा क्षति भएको छ । दुर्घटना भएलगत्तै उक्त हेलिकोप्टरमा  आगलागी  भएको थियो ।  हेलिकोप्टरमा पाइलट प्रकाश सेडाई मात्र सवार थिए । उनी घाइते भएका छन् । यात्रु लिन गएको मनाङको हेलिकप्टर ७: २५ बजे लोबुचेमा अवतरणका क्रममा दुर्घटना भएको हो ।

उनलाई उद्धार गरी काठमाडौँ ल्याइएको छ । स्राेतले क्याप्टेन सेढाइँलाई फिस्टेल एयरको हेलिकप्टरमार्फत काठमाडौँ ल्याइ उपचारका लागि ह्याम्स अस्पताल लगिएको  जानकारी दिएकाे छ । थप विवरण आउन बाँकी छ ।