भारतमा दैनिक औसतमा ५ सय संक्रमितको मृत्यु, मोदी भन्छन् अरु देशको तुलनामा अवस्था राम्रो छ

काठमाडौँ। भारतमा कोरोनाभाइरस संक्रमितको संख्या १५ लाख नाघेको छ । मृत्यु हुनेको संख्या पनि ३४ हजार नाघेको छ। तर, यसै हप्ता मात्रै भारतीय प्रधानमन्त्री नरेन्द्र मोदीले ‘अरु देशहरुको तुलनामा भारत राम्रो अवस्थामा रहेको’ र अन्तर्राष्ट्रिय प्रशंसा प्राप्त गरिरहेको बताएका थिए ।

भारतमा संक्रमितको संख्या दिनानुदिन बढ्दै गइरहेको छ र थुप्रै क्षेत्रहरुमा लकडाउन लागू गरिएको छ, भारतको संघीय स्वास्थ्य मन्त्रालयको वेभसाइटमा यतिखेर जम्मा संक्रमितको संख्या उल्लेख गर्न छाडिएको छ र निको हुनेहरुको संख्या राख्नमा विशेष जोड दिइएको छ। तर बुघबार मात्रै भारतमा ५० हजार नयाँ संक्रमितहरु फेला परेका छन् र ७ सय ६८ जनाको निधन भएको छ।