कोराना संक्रमणबाट थप एक जनाको मृत्यु

काठमाडौँ । कोरोना संक्रमणबाट वीरगञ्जमा १ जनाको मृत्यु भएको छ। मृत्यु हुनेमा ५६ वर्षीय पुरुष रहेको अस्पतालले जनाएको छ।

वीरगञ्ज–११ श्रीपुर बस्ने भारत घर भएका उनको गएराति निधन भएको नारायणी अस्पतालले जनाएको छ । ‘मुटुको रोगी समेत रहेका उनी जगदम्बा इन्टर प्राइजेजका प्रमुख कार्यकारी अधिकृत थिए। उनलाई आइसियु र भेन्टिलेटरमा समेत राखेर उपचार गरिएको थियो ।

मुटुको बाइपास सर्जरी गरेका उनलाई साउन ६ गते कोरोना संक्रमण पुष्टि भएको थियो । साउन ७ गते दिउँसो साढे १ बजे वीरगञ्जस्थित अस्थायी कोरोना विशेष अस्पताल गण्डकमा भर्ना गरिएको थियो ।

बिहीबार दिउँसोदेखि उनको शरीरमा अक्सिजनको मात्रा कम हुँदै गएपछि भेन्टिलेटरमा राखेर उपचार गरिएकोमा राति ११ बजे मृत्यु भएको हो