राष्ट्र बैंकका गभर्नर र संचालक लाई करोडौंको भत्ता

काठमाडौं । देशमा आर्थिक मन्दीले सबै क्षेत्र चौपट्ट भो भनिन्छ तर राष्ट्र बैकमा यस्को प्रभाव देखिदैन।ॠण तिर्न नसकेर गरिबहरु सहुलियत ब्याजको भिख मागिरहेक्स छ्न् । यस्तो अवस्थामा अरु लाई निर्देशन दिने अनि आफुहरु मस्त रहने निति राष्ट्र बैंकमा देखिएको छ। गभर्नर महाप्रसाद अधिकारीको आफू र माफिया पोस्ने नीति नै थप आर्थिक संकटको एउटा कारण बन्न पुगेकोछ।
प्राप्त जानकारी अनुसार आर्थिक वर्ष २०७९/८० मा नेपाल राष्ट्र बैंकका संचालकहरुले २ करोड बढी तलव भत्ता बुझेका छन् । बैंकको लेखापरिक्षण गरिएको वित्तीय विवरण अनुसार केन्द्रीय बैंकले आर्थिक वर्ष ७९/८० मा संचालकहरुको तलव भत्तामा २ करोड ५ लाख ८२ हजार १ सय २६ रुपैयाँ खर्च गरेको हो।

यसमा संचालकहरुको तलव, बैठक भत्ता र अन्य भत्ता तथा सुविधा समावेश छ । राष्ट्र बैंकमा गभर्नर, डेपुटी गभर्नर, अर्थ सचिव र नेपाल सरकारले तोकेका सदस्यहरु संचालक हुने व्यवस्था छ । अर्थ सचिव परिवर्तन भईरहेने हुँदा गत वर्ष ४ जना अर्थ सचिवले भत्ता बुझेका छन् । गभर्नर, र डेपुटी गभर्नरले राष्ट्र बैंकका उच्च तहको कर्मचारीको हैसियतमा तलव पनि बुझ्ने गर्छन् ।

गत वर्ष गभर्नर महाप्रसाद अधिकारीले सबैभन्दा धेरै तलव भत्ता बुझेका छन् । उनले १६ लाख ३२ हजार तलव, ४ लाख १४ हजार बैठक भत्ता र अन्य भत्ता अन्तर्गत ४० लाख ४५ हजार गरि कुल ६० लाख ५१ हजार बुझेका छन् । त्यस्तै डेपुटी गभर्नर निलम ढुंगानाले ५७ लाख २ हजार र अर्का डेपुटी गभर्नर बम बहादुर मिश्रले ५३ लाख भत्ता बुझेका छन् ।

हेर्नुस् कुन संचालकले कति लिए तलव , भत्ता र सेवा सुविधा ?