वर्तमान सरकार असफल भइसक्यो : महासचिव पोखरेल

काठमाडौं, ।नेकपा एमाले महासचिव शंकर पोखरेलले सरकार सबै क्षेत्रमा असफल भइसकेको कारण अहिले व्यवस्था विरुद्ध असन्तुष्टि पैदा भएको बताएका छन् । 

पोखरेलले वर्तमान सरकार असफल र असक्षम प्रमाणित भएको टिप्पणी गरेका छन् । आज (सोमबार) प्रेस चौतारी नेपाल बाँकेले नेपालगञ्जमा आयोजना गरेको पत्रकार भेटघाट कार्यक्रममा उनले सरकार असफल भएको र नेपाली जनताले घोषणा गर्नमात्रै बाँकी रहेको बताएका हुन् ।

‘यो सरकार असफल र असक्षम प्रमाणित भइसकेको छ । सरकारले कुनै पनि क्षेत्रमा राम्रो काम गर्न सकेकाे छैन उनले भने ।

महासचिव पोखरेलले सरकारकै असक्षमताका कारण अतिवादीहरुले टाउको उठाउने अवसर पाएको बताए । उनले सरकारको असक्षमताको कारण विदेशीहरले नेपाललाई क्रिडास्थलको रुपमा प्रयोग गर्न खोजेको समेत आरोप लगाए ।