रौतहटमा १० हजार बढी सवारी कार्वाहीमा ८८ लाख बढी राजश्व संकलन

रौतहट १४ माघ। रौतहट स्थित ट्राफिक प्रहरीले सक्रियता बढाए संगै नियम बिपरित चल्ने सवारीसाधनलाई तिब्ररुपमा कार्वाही सुरु भएको छ।

कार्वाही संगै राजश्व संकलनमा समेत वृद्धि भएको छ। रौतहट स्थित यस आर्थिक बर्षको मात्र ६ महिनाको अवधिमा ट्राफिक नियम बिपरित चलेका १० हजार भन्दा बढी सवारीसाधनलाई कार्वाही गरेर ८८ लाख रुपैयाँ भन्दा बढी राजश्व संकलन गरिएको छ। गत साउन देखि पुस मसान्तसम्म मात्र ६ महिनाको अवधिमा नियम बिपरित चलेका १० हजार ४५९ सवारीसाधन लाई कार्वाहीको दायरामा ल्याईएको जिल्ला ट्राफिक प्रहरी प्रमुख इन्स्पेक्टर सुशील आचार्यले बताएका छन्।

उक्त कार्वाही बाट कुल ८८ लाख,३३ हजार पाँचसय रुपैया राजश्व संकलन गरिएको ईन्सपेक्टर आचार्यले जानकारी दिएका छन्। सोही अवधिमा जिल्ला भरीमा भएको ३०२ सवारी दुर्घटनामा परेर २६ जना मानिसको ज्यान गएको छ। त्यस्तै उक्त दुर्घटनामा परेर ४७२ जना मानिस घाईते भएको तथ्याङकमा उल्लेख गरिएको छ। दुर्घटना न्यूनीकरण गर्ने उद्देश्यले ट्राफिक प्रहरीले जिल्ला स्थित बिभिन्न चेतनामूलक कार्यक्रमको आयोजना गर्दै आएको छ।

साउन देखि पुसमसान्तसम्म जिल्लाको बिभिन्न स्थानमा आयोजना गरिएको ८७९ वटा कार्यक्रममा सवारीचालक, यात्रु, सर्वसाधारण गरी कुल ३७ हजार ३९६ जना मानिस सहभागी भएको जिल्ला ट्राफिक प्रहरी कार्यालय चन्द्रनगाहपुरले जनाएको छ। त्यस्तै दुर्घटना न्यूनीकरणको लागि सवारीसाधनहरुमा स्टिकर टाँस देखि पूर्व पश्चिम राजमार्ग छेउछाउमा ठूलो ठूलो हुडिङ बोर्ड राखेको छ।

त्यतिमात्र नभई जिल्लाको १८ वटै स्थानिय तहमा बढदो सवारीसाधनको चाप लाई मध्यनजर गर्दै सुरक्षाको दृष्टीकोणले हाल रौतहटको गौर, बमनहर, चन्द्रनिगाहपुर, बागमती, डुमरिया, गरुडा, शिवनगर, शुकदेव चौक, बन्कुल, मौलापुर, बिजयपुर, लगायतको स्थानमा स्थायी ट्राफिक बिट राखेको जनाएको छ।