घुससहित समातिएका अमिनविरुद्ध मुद्दा दायर

काठमाडौं ।अख्तियार दुरुपयोग अनुसन्धान आयोगले नापी कार्यालय, नवलपरासी (बर्दघात सुस्ता पश्चिम) मा कार्यरत अमिन गोविन्द ढकालविरुद्ध भ्रष्टाचार मुद्दा दायर भएको छ ।  आयोगले आज उनीविरुद्ध विशेष अदालत काठमाडौंमा भ्रष्टाचार मुद्दा दायर गरेको हो । ढकालले जग्गा नापजाँच गरी लालपूर्जा दिलाउने प्रयोनार्थ सेवाग्राहीसँग ४ हजार घुस लिएका थिए ।

गत पुस ११ गते आयोगको बुटवलबाट खटिएको टोलीले उनलाई सेवाग्राहीसँग चार हजार रुपैयाँ घुस लिएको अवस्थामा फेला पारेको थियो । अनुसन्धानको क्रममा जग्गा नापजाँच गरी लालपूर्जा दिने प्रयोजनका लागि उनले सेवाग्राहीसँग घुस लिएको खुल्न आएको आयोगका प्रवक्ता नरहरि घिमिरेले जानकारी दिए। बताएको छ । 

ढकाललाई भ्रष्टाचार निवारण ऐन, २०५९ को दफा ३ को उपदफा ९१० बमोजिमको कसुरमा बिगो ४ हजार रुपैयाँ कायम गरी भ्रष्टाचार निवारण ऐन, २०५९ को दफा ३ को उपदफा ९१० को देहाय (क) बमोजिम कैद सजाय गरी सोही ऐनको दफा ३ को उपदफा (१) अनुसार बिगो बमोजिम जरिवाना सजायसमेत हुन मागदाबी गरि आरोप पत्र दायर भएको अख्तियारले जनाएको छ।