सुनील र विकललाई थप ७ दिन थुनामा राख्न अनुमति

काठमाडौँ ।  देशका ठूला सूचना प्रविधि माफियाका रुपमा बदनाम सुनिल पौडेल र विकल पौडेललाई थुनामा राख्न बिशेष अदालतले तेस्रो पटक ७ दिन थुनामा राख्ने अनुमति दिएको छ।

एक साता अघि दोस्रो पटक विशेष अदालतबाट लिइएको ७ दिन हिरासतमा राख्ने अनुमतिको म्याद बुधबार सकिएको थियो। त्यसकारण अख्तियारले फेरि एक साताका लागि हिजो याद थपेको हो।

भ्रष्टाचारको पैसा विदेशमा लुकाएको र अकुत सम्पत्ति आर्जनसम्बन्धि मुद्दामा आयोगले उनीहरुलाई पक्राउ गरेको थियो । विदेश भाग्ने तयारी गरेको सूचनाका आधारमा उनीहरू पक्राउ परेका हुन् । यसअघि पनि उनीहरुविरुद्ध नेशनल पेमेन्व गेटवे र सेक्युरिटी प्रेस खरिदसम्बन्धमा भ्रष्टाचार मुद्दा दायर भइसकेको छ ।