फेसबुक लाइभका क्रममा भारतका एक नेतामाथि गाेली प्रहार

एजेन्सी। फेसबुक लाइभका क्रममा भारतका एक नेतामाथि गाेली प्रहार भएकाे छ । गए राति मुम्बईको दहिसर क्षेत्रमा शिवसेनाका नेता तथा पूर्व पार्षद अभिषेक घोषालकरको गोली हानी हत्या गरिएको थियो । फेसबुक लाइभमा छलफल गरिरहँदा अभिषेकमाथि गोली प्रहार भएको थियो ।

हाल फसबुक लाइभकाे उक्त घटनाको भिडियो सामाजिक सञ्जालमा भाइरल भइरहेको छ । फेसबुक लाइभका क्रममा पहिले माेरिस उठेर निस्किएकाे देखिन्छ। त्यसपछि, अभिषेक उठेर बाहिर निस्केको पनि देखिन्छ । सो क्रममा मोरिसले उनीमाथि ४–५ राउण्ड गाेली फायर गरेका थिए । त्यसपछि उनले आत्महत्या गरे । अभिषेकलाई अस्पताल लगिए पनि उपचारका क्रममा उनको मृत्यु भएको थियाे ।

अभिषेक घोषालकर पूर्व शिव सेना (उद्धव गुट) विधायक विनोद घोशालकरका छोरा थिए। मोरिसले फेसबुक लाइभको बहानामा अभिषेकलाई आफ्नो कार्यालयमा बोलाएका थिए । यस घटनामा प्रहरीले मेहुल पारिख नामका व्यक्तिलाई पक्राउ गरेको छ । भारतीय संचारमाध्यमका अनुसार मोरिस र मेहुलले गोली चलाउनुअघि भेटेका थिए। प्रहरीले उनीसँग सोधपुछ गरिरहेको छ ।

घटनाको विषयमा मुम्बई प्रहरीले मोरिसलाई मुम्बई प्रहरीले कुनै हतियार लाइसेन्स जारी गरेको थिएन। त्यसैले, मोरिसले गोली चलाएको हतियार अवैध भएको आशंका गरिएको छ। शिव सेना नेताको हत्या र आक्रमणकारीको आत्महत्याको सम्बन्धमा दुई अलग-अलग एफआईआर दर्ता गरिएको छ। मुम्बई प्रहरीले घटनाको अनुसन्धान अपराध शाखालाई सुम्पेको छ ।

संचारमाध्यमका अनुसार अभिषेक र मोरिसबीच केही मनमुटाव भएकाे थियो । तर, हालै यी दुईबीच सम्झौता भएको छ । जसका कारण घोषालकर उनको फोनमा बिहीबार राति मोरिसको कार्यालयमा आएका थिए । लाइभको क्रममा अभिषेकले मोरिससँग देख्दा मानिसहरु छक्क पर्ने पनि बताउँछन् ।

मोरिस नोरोन्हा नागरिकहरूमाझ मोरिस भाइको रूपमा प्रसिद्ध थिए। सामाजिक सञ्जालमा उनले आफूलाई सामाजिक कार्यकर्ता र कोभिड योद्धाको रुपमा व्याख्या गरेका थिए । उनले फेब्रुअरी १० मा नासिकको शिशु जीसस चर्चमा तीर्थयात्रा आयोजना गरेका थिए। यस बारेमा शिवसेना (यूबीटी) नेता अभिषेक घोसालकरले फेसबुक लाइभमा उल्लेख गरेका थिए।

जनवरी २९ मा मोरिसले आफ्नो इन्स्टाग्राम पेजमा यस्तो लेखेका थिए – “दुख, हानि, अपमान र प्रतिक्रियाको वास्ता नगर्ने व्यक्तिलाई तपाईँले हराउन सक्नुहुन्न।” सन् २०२२ मा प्रहरीले मोरिस नोरोन्हा विरुद्ध लुकआउट नोटिस जारी गरेको थियो । मोरिसमाथि ४८ वर्षीया महिलालाई ब्ल्याकमेल गर्ने, बलात्कार गरेको, धोका दिएको र धम्की दिएको आरोप लागेको थियो । यद्यपि आरोपहरू २०१४ को हो, उजुरी २०२२ मा दायर गरिएको थियो, जसले मोरिसलाई मुद्दाको सम्बन्धमा गिरफ्तार गरेको थियाे ।