रेशम चौधरीले दायर गरेको मुद्दामा आज सुनुवाइ हुने

काठमाडौं । नागरिक उन्मुक्ति पार्टी (नाउपा) का संरक्षक रेशम चौधरीले दायर गरेको मुद्दामा आज सुनुवाइ हुने भएको छ।

चौधरीले निर्वाचन आयोग र पार्टी अध्यक्ष तथा उनकी श्रीमती रञ्जिता श्रेष्ठविरूद्ध सर्वोच्च अदालतमा दायर गरेको मुद्दा सुनुवाइका लागि न्यायाधीशद्धय आनन्दमोहन भट्टराई र शारङ्गा सुवेदीको संयुक्त इजलासमा पेशी तोकिएको छ।

यस अगाडि उनको मुद्दामा सुनवाइका लागि गत चैत्र ३० गते र वैशाख ९ गते पेशी तोकिएपनि हेर्न नभ्याइनेमा परेको थियो।

बैशाख १४ गते न्यायाधीशद्धय बालकृष्ण ढकाल र विनोद शर्माको संयुक्त इजलासले मिसिल झिकाउन आदेश दिएको थियो ।

उनले टिकापुरमा सम्पन्न पार्टीको महाधिवेशनले आफूलाई अध्यक्ष बनाएको तर निर्वाचन आयोगले अध्यक्ष नस्विकारेको भन्दै मुद्दा दायर गरेका हुन्।