May 3, 2024
काठमाडौँ । जापान पठाइदिने भन्दै ठगी गर्ने २ जना पक्राउ परेका छन् । अर्काको नागरिकता दुरुपयोग गरी कन्सल्टेन्सी चलाएर जापान पठाइदिने भन्दै ठगी गरेको आरोप उनीहरू माथि छ ।
पक्राउ पर्नेमा रामेछाप लिखु तामाकोशी– ७ घर भई काठमाडौँको कागेश्वरी मनहरा बस्दै आएका राजन श्रेष्ठ र झापा गौरादह घर भएका ईश्वरी पाण्डे रहेका छन्।
प्रहरीका अनुसार उनीहरूले जापान पठाइदिने भन्दै २ सय बढी व्यक्तिबाट करिब ३ करोड ठगेको प्रहरीले जनाएको छ ।
नारायणबहादुर राईको नागरिकता दुरुपयोग गरी पुतलीसडकमा नियोनी एजुकेसन कन्सल्टेन्सी दर्ता गरी चलाउँदै आएका उनीहरूले जापान पठाउने भनी चार लाखदेखि सातलाख रुपैयाँसम्म उठाउने गरेको प्रहरीले जनाएको छ।
ईश्वरी पाण्डेले पनि पर्वराज पाण्डेको हराएको नागरिकताको दुरुपयोग गरी उनको नाममा बैंक खोली रकम जम्मा गर्ने गरेका थिए।
तीन वर्षदेखि पठाओ चलाउँदै आएका नागरिकता धनी नारायणबहादुर राईले आफ्नो नागरिकता १५र१६ वर्ष अगाडि हराएको प्रहरीमा बयान दिएका छन्।
प्रकाशित मिति:May 3, 2024
November 23, 2024
