दुई सरकारी वकिल कार्यालयको भवन महान्यायाधिवक्ता खरेलद्वारा शिलान्यास

काठमाडौ । महान्यायाधिवक्ता अग्निप्रसाद खरेलले बबरमहल स्थित निर्माणधिन विशेष सरकारी वकिल र जिल्ला वकिल कार्यालय भवनको शिलान्यास गर्नुभएको छ ।

कोरोनाको त्रासमा पनि सामाजिक दुरी कायम गर्दे आयोजना गरिएको शिलान्याय कार्यक्रममा महान्यायाधिवक्ता खरेलले छोटो संख्यामा सहभागि भएका सरोकारवालाहरुबीच बन्ने भवन गुणस्तरयुक्त र सम्झौता अनुसार समयमै बन्नेमा आफूहरु विश्वस्त रहेको बताउनुभयो । प्रेरा / तुलसी भक्त ज्वाईन्ट भेन्चर ले निर्माण थालेको ३ वर्ष भित्र सक्ने गरि सम्झौता भएको सो भवन निर्माणका लागि ३७ करोड लागत लाग्ने तुलसी भक्त कन्स्ट्रक्सन प्रालिका प्रबन्ध निर्देशक नवराज श्रेष्ठले सम्पत्ति मासिकलाई बताउनुभयो । सम्झौता अनुसार ५ तले भवन निर्माण गरिने यो कार्य कोरोनाको त्रास भएपनि काम नरोकिने आफ्नो सम्झौता अनुसार काम अगाडि बढ्ने प्रबन्ध निर्देशक नवराज श्रेष्ठले सम्पत्ति मासिकलाई बताउनुभयो । यस्ता कामहरु देशभर ५० वटा भन्दा बढी संख्यामा भवन, सडक लगायतका निर्माणमा धेरै कामहरु सक्रियताका साथ यस तुल्सी भक्त कन्स्ट्रक्सनले गर्दै आइरहेको छ ।

उहाँले आफ्नो कन्ट्रक्सनमार्फत गुणस्तरीय र भरपर्दो सेवा दिँदै आइरहेको बताउँदै आफ्नो काम प्रभावकारी रहेको जानकारी दिनुभयो । छोटो समयमा यस कम्पनीले आफूँले गरेका गुणस्तरीय कामका कारण आज देशभरमै महत्वपूर्ण भवनहरु बनाउन सफल भएको छ । यसै कारणले त सरकारका निकायहरुले तुलसी भक्त कन्स्ट्रक्सनलाई विश्वास गरी महत्वपूर्ण भवनलगायतका निर्माणका कामहरुको जिम्मेवारी दिने गरेको छ ।