सहकारी ठगी छानबिन समितिले थाल्यो काम

काठमाडौं । उपप्रधानमन्त्री तथा गृहमन्त्री रवि लामिछाने मुछिएको सहकारी ठगी प्रकरणको छानबिन गर्न गठित विशेष संसदीय समितिले काम थालेको छ । 

१५ जेठमा प्रतिनिधिसभा बैठकबाट छानबिन समिति गठन गरिएको थियो । बुधबार समितिको सचिवालय तयार भएपछि समितिले काम थालेको हो । अहिले समितिको पहिलो बैठक जारी छ । पहिलो बैठकमा सभामुख देवराज घिमिरे पनि सहभागी छन् । समितिले पहिलो कार्यविधि बनाएर काम सुरु गर्नेछ ।

समितिको सभापतिमा एमाले सांसद सूर्य थापा छन् भने सदस्यहरूमा एमालेकी सरिता भुसाल, कांग्रेसका बद्री पाण्डे र ईश्वरी न्यौपाने, माओवादी केन्द्रका लेखनाथ दाहाल, रास्वपाका शिशिर खनाल र राप्रपाका ध्रुवबहादुर प्रधान छन् । समितिलाई सहकारीको ठगीमा दोषी देखिएकालाई कारबाही गर्न सिफारिस गर्ने कार्यदेश दिइएको छ । समितिको कार्यवधि तीन महिना तोकिएको छ ।

समितिलाई सहकारीको ठगीमा दोषी देखिएकालाई कारबाही गर्न सिफारिस गर्ने कार्यदेश दिइएको छ । समितिको कार्यवधि तीन महिना तोकिएको छ ।