मुख्य दुई ठूला दल मिलेर सरकार बनाउने कुरा नौटंकीजस्तै : झलनाथ खनाल

काठमाडौं । नेकपा (एकीकृत समाजवादी)का सम्मानीत नेता झलनाथ खनालले नयाँ बन्ने सरकार मुख्य दुई ठूला दल मिलेर सरकार बनाउने कुरा संसदीय व्यवस्थामा नौटंकीजस्तै भएको टिप्पणी गरेका छन् ।

केन्द्रीय कमिटीकव बैठकपछि पार्टी कार्यालय आलोकनगरमा पत्रकारहरुसँग कुरा गर्दै उनले राष्ट्रिय सहमतिको भन्नु कांग्रेस–एमालेले फजुलको कुरा भएको बताएका हुन् ।

उनले भने– ‘कांग्रेस–एमाले मिलेर सरकार बनाउने र केही आफूलाई सुरक्षित गर्नुपर्छ भन्ने पार्टीहरूले साथ दिने मात्र हो । संसदीय व्यवस्थामा सामान्यतया बहुमत पुग्नेको सरकार बन्ने गरेपनि कुनै पनि देशका मुख्य मुख्य दुई ठूला दल मिलेर सरकार बनाउने कुरा संसदीय व्यवस्थामा नौटंकीजस्तै हो ।’

नयाँ गठबन्धनमा सहभागी हुने कुनै गुञ्जायस नरहेको उनको प्रष्टोक्ति छ ।