बाढीपहिरोका कारण हालसम्म कम्तिमा ७० जनाको मृत्यु, पाँच जना वेपत्ता

काठमाडौं । निरन्तरको वर्षाका कारण बाढीपहिरोमा परि अहिले सम्म ७० जनाको ज्यान गएको छ ।

जेठ २८ गतेबाट आज (सोमबार)सम्म कम्तिमा ७० जनाको ज्यान गएको हो । विपत्तिमा परि ८६ जना घाइते र ५ जना वेपत्ता भएको केन्द्रीय प्रहरी प्रवक्ता एवं प्रहरी नायब महानिरीक्षक दानबहादुर कार्कीले बताएका छन् । घाइतेको अस्पतालमा उपचार भइरहेको उनले बताए ।

उक्त अवधिमा बाढीपहिरोको नौ सय ६६ घटना घटेका छन् । त्यसमा ८६ घरमा क्षति पुगेको र तीन सय ३५ पशु चौपायाको मृत्यु भएको छ ।

अहिले सम्म रु नौ करोड ५६ लाख ७४ हजार दुई सय ५० मूल्य बराबरको क्षति पुगेको प्रहरी प्रधान कार्यालयले जनाएको छ ।

ऐजेन्सीको सहयोगमा