मधेश सरकारलाई दिएको समर्थन फिर्ता लिने कांग्रेसको चेतावनी

काठमाडौं । मन्त्रालय बाँडफाडमा सहमति नभएपछि मधेर सरकारलाई दिएको समर्थन कांग्रेसले फिर्ता लिने चेतावनी दिएको छ । कांग्रेसले अर्थसहित चार मन्त्रालय मागेको तर, मुख्यमन्त्री सतिश कुमार सिंहले अर्थ आफैं राख्ने अडान लिएका छन् ।

पटक पटक छलफल भएपनि मुख्यमन्त्रीले अर्थ दिन अस्वीकार गरेपछि कांग्रेस वर्तमान सरकारको विकल्प खोजेको छ ।

कांग्रेस मधेश प्रदेशका प्रमुख सचेतक कुमारकान्त झाले सरकारलाई दिएको समर्थन फिर्ता लिने बताएका छन् ।

उनले आफूहरुसँग मुख्यमन्त्रीले गरेको सहमति पालना नगरेको आरोप लगाए । उनले सहमतीको पालना नगरेकाले समर्थन फिर्ता लिएर नयाँ सरकार गठन प्रक्रियामा अगाडी बढ्ने बताए । उनले अर्थ मन्त्रालय नदिएपछि समर्थन फिर्ता लिन लागेकोबारे खुल्न चाहेनन् ।