भोलिको संसदमा अनिवार्य उपस्थित हुन एमालेको ह्विप

काठमाडौं । भोलि प्रधानमन्त्री केपी शर्मा ओलीले संसदमा विश्वासको मत लिदैछन् । विश्वासको मत लिने उदेश्यले बस्न लागेको बैठकम नेकपा (एमाले)ले प्रधानमन्त्री ओलीलाई विश्वासको मत दिन ह्वीप जारी गरेको छ ।

एमालेले भोलि (आइतबार) बस्ने प्रतिनिधि सभा बैठकमा अनिवार्य उपस्थित भएर विश्वासको पक्षमा मत आफ्ना सांसदहरूमा ह्विप जारी गरेको हो ।

दल सम्बन्धी ऐन, २०७३ को दफा २०२८ र नेकपा एमाले संघीय संसदीय दलको विधान, २०७७ को धारा २४ बमोजिम एमालेले सो ह्वीप जारी गरेको छ।

चौथो पटक प्रधानमन्त्री बनेका ओलीले आइतबार प्रतिनिधि सभामा विश्वासको मत लिँदै छन् । कांग्रेस एमालेसहित ४ दलको नयाँ सरकार गठन भएसँगै प्रधानमन्त्रीले विश्वासको मत लिन लागेका हुन् ।