नेकपा एसले प्रधानमन्त्रीलाई विश्वासको मत नदिने

काठमाडौं । नेपाल कम्युनिष्ट पार्टी (एकीकृत समाजवादी) ले प्रतिनिधिसभामा आज आइतबार प्रस्तुत हुन गइरहेको विश्वासको मतसम्बन्धी प्रस्तावको विपक्षमा मतदान गर्ने भएको छ । प्रतिनिधिसभामा प्रधानमन्त्री केपी शर्मा ओलीले प्रस्तुत गर्ने विश्वासको मतसम्बन्धी प्रस्तावको विपक्षमा मतदान गर्न आफ्नो दलका सांसदलाई सो पार्टीले ह्विप जारी गरेको छ ।

नेता मेटमणि चौधरीका अनुसार, सरकारमा सहभागी दलको साझा नीति तथा कार्यक्रमका आधारमा पार्टीले सरकारलाई रचनात्मक सहयोग गर्ने छ । पार्टीले प्रतिपक्षमा रहेर सरकारलाई गुण र दोषका आधारमा सहयोग गर्नेछ ।
राष्ट्रिय पार्टी बन्न नसकेको प्रतिनिधिसभामा नेकपा एसका १० सांसद छन् ।