July 28, 2024
काठमाडौं । नेकपा एकीकृत समाजवादीले केन्द्रीय कमिटी बैठक बोलाएको छ ।
सोमबार (भोलि) दिउँसो १ बजे पार्टी केन्द्रीय कार्यालय आलोकनगरमा बस्नेगरी एकीकृत समाजवादीले बैठक बोलाएको हो ।
उक्त बैठकले केन्द्रीय सदस्य टुङ्गो लगाउने बताइएको छ ।
पार्टी विधानअनुसार दुई सय ९९ सदस्यीय कार्यसमिति तथा २१ पदाधिकारीको व्यवस्था गरिएकामा अब तीन सय २९ सदस्यीय कार्यसमिति विस्तार हुनेछ ।
सबै प्रदेशले केन्द्रमा पठाएको सिफारिसका आधारमा नेताहरूको योगदान र क्षमताको मूल्याङ्कन गरी भूगोल, क्षेत्र तथा सन्तुलन मिलाएर मनोनयन गर्ने, कमिटीलाई पूर्णता दिएपछि पदाधिकारी चयन गर्नेलगायत विषयमा छलफल हुनेछ ।
प्रकाशित मिति:July 28, 2024
