कांग्रेस सांसद दिनेश कोइरालाको प्रस्ताव– ‘भ्रष्टाचार नियन्त्रण र छानबिन महाअभियानको घोषणा गर्नुपर्छ’

काठमाडौं । नेपाली कांग्रेसको तेस्रो दिनको केन्द्रीय समितिको बैठकमा सदस्य दिनेश कोइरालाले भ्रष्टाचारविरुद्ध महाअभियान घोषणा गर्न प्रस्ताव राखेको छन् ।

आज पनि जारी रहेको बैठकमा कोइरालाले केन्द्रीय समितिले भ्रष्टाचार नियन्त्रण र छानबिन महाअभियानको घोषणा गर्नुपर्ने प्रस्ताव राखेका हुन् ।

आफ्नो धारणा राख्ने क्रममा कोइरालाले भ्रष्टाचारको छानबिन गरी सम्बन्धित निकायलाई कारबाहीको सिफारिस गर्न नागरिक उच्चस्तरीय आयोगको आवश्यकता रहेको बताए ।

वर्तमान सत्ता गठबन्धन बनाउनु पर्नुको कारण जनतालाई बुझाउन आवश्यक रहेको बताउँदै पार्टी बैठकमा कोइरालाले भने, ‘भ्रष्टाचार नियन्त्रणको काम नगरी संविधान संशोधनको प्रयास गरियो भने त्यसले अपेक्षित जनसमर्थन हासिल गर्न सक्दैन ।’

काँग्रेस सबैभन्दा ठूलो पार्टी हुनुका नाताले नागरिकप्रतिको जिम्मेवारी स्वतः बढी रहेको उनले बताए ।