निजामति ऐन तत्काल जारी गर्न माग गर्दे हस्ताक्षर अभियान

काठमाडौं । संघीय निजामती सेवा ऐन तत्काल जारी गर्न माग गर्दै बृहत हस्ताक्षर अभियान सुरु गरिएको छ ।

नेपाल निजामती कर्मचारी संगठन रुपन्देहीले शुक्रबारदेखि बृहत हस्ताक्षर अभियान सुरु गरेको हो ।

रुपन्देहीको कर्मचारी अध्यक्ष प्रेम प्रसाद खनालले हस्ताक्षर अभियान सुरु गरेको अवसरमा सरकारले सङ्घीय निजामती सेवा ऐन तत्काल जारी गर्नुपर्ने धारणा राख्दै कर्मचारीको सेवासुविधा कटौती गर्न नहुने र संघीय निजामती सेवा ऐन कर्मचारीमैत्री हुनुपर्ने भन्दै रुपन्देहीबाट संघीय निजामती सेवा ऐन जारी गराउन पहल स्वरुप हस्ताक्षर अभियान शुरु गरिएको बताए ।

उनले सम्पूर्ण राष्ट्रसेवक कर्मचारीहरुलाई हस्ताक्षर अभियानमा सहयोग गर्न आव्हानसमेत गरेका छन् ।