August 10, 2024
पांचथर । पाँचथरको कुम्मायक गाउँपालिका–४ रानीगाउँका सफल कृषक हुन रोमन चम्लागाई । बैदेशिक रोजगारीमा काम गरेर स्वादेश फर्किएका उनले गाउँमै व्यवसायीक कृषि कर्मबाट मनग्य आम्दानी गर्दै आएका छन । आठ रोपनी जग्गामा टमाटर खेती गरेर बार्षिक ४ देखि ७ लाखसम्म आम्दानी गर्न सफल भएका हुन ।
२०७८ सालबाट ३ रोपनी जग्गामा व्यवसायीक टमाटर खेती लगाउन सुरु गरेका उनले ८ रोपनी जग्गामा खेती गर्दै आएका छन । गत वर्ष चार हजार टमाटरको बिरुवा लगाएका उनले खर्च कटाएर वार्षिक ४ लाख आम्दानी गर्न सफल भए । पहिलो वर्ष उत्पादन र आम्दानी राम्रो भएपछि यो वर्ष ८ रोपनी जग्गामा टमाटर खेती बिस्तार गरे । आठ हजार टमाटरको बिरुवा लगाएका उनले ७ लाखसम्म आम्दानी गर्न सफल भएका छन । बिदेशमा वर्षको मुस्किलले ३ लाख आम्दानी हुन्थ्यो । गाउँमै अहिले ७ लाखसम्म आम्दानी हुन्छ । कम मुल्यमा बिक्री भए पनि घाटा छैन । त्यसैले टमाटर खेतीमा चासो दिएको हुँ चम्लागाइले बताए ।
गत वर्ष टमाटर प्रति केजी ४० रुपैयाँले बिक्री भएको थियो । यो वर्ष प्रति केजी ६० रुपैयाँले घरबाटै बिक्री भएको छ उनले भने् । मेहेनत र परिश्रमले चार महिनाको अवधिमा ६ लाख रुपैयाँ कमाइ भयो । जस्ले गर्दा थप जोस र उर्जा बढेको छ । उनले थपे बर्खाको सिजनमा टमाटरको माग र उत्पादन राम्रो भएकाले धेरै जग्गामा खेती लगाएको हँु । तर हिउँदको समयमा माग कम हुने भएकाले कम उत्पादन गर्ने गरेको छु ।’
टमाटरको सिंचाईको लागि प्लाष्टिक पोखरी निर्माण गरिएको छ । आधुनिक तरिकाले लगाएको टमाटरको एउटा बोटबाट डेढ देखि दुई केजीसम्म उत्पादन दिन्छ । जस्ले गर्दा राम्रो आम्दानी गर्न सफल भएको चोम्लागाइ बताए । यता कृषि ज्ञान केन्द्र पाँचथरले २०७८÷०७९ मा १ लाख रुपैयाँको कृषि सामाग्री अनुदान दिएको थियो । त्यस्तै फिदिम नगरपालिकाले दुई वटा ट्रनेल र कुम्मायक गाउँपालिकाले प्लाष्टिक पोखरी उपलब्ध गराएको उनि बताउछन् ।
बारी जोत्न अहिले हलगोरु पाइदैन । मैले गाउँपालिकामा पटक पटक हाते ट्याक्टर माग गरे । तर दुइ वर्ष भयो अहिलेसम्म पाएको छैन दुखेसो पोख्दै उनले सुनाए । चेम्लागाइले उत्पादन गरेको टमटर स्थानीय बजारदेखि झापा, मोरङ, सुनसरी र भारतसम्म हुने गरेको छ ।
प्रकाशित मिति:August 10, 2024
