मुख्यसचिव अर्यालको मुद्दा विशेष अदालतमा आज सुनुवाइका लागि पेशी

काठमाडौं । भ्रष्टचारमा मुद्दामा निलम्बनमा परेका मुख्यसचिव डा. बैकुण्ठ अर्यालको आज विशेष अदालतमा पेशि तोकिएको छ ।

न्यायाधीशहरू खुशीराम थारु,रामबहादुर थापा र मुरारीबाबु श्रेष्ठको इजलासमा उनीहरूको निवेदनमा पेशी तोकिएको हो ।

२०८१ असार ९ गते दर्ता भएको मुद्दामा निलम्बित मुख्यसचिव अर्याल यसअघि नै धरौटीमा छुटी सकेका छन् । उनी साउन १३ गते विशेष अदालत उपस्थित भएर ५० हजार धरौटीमा छुटेका थिए ।

विशेष अदालतका अध्यक्ष टेकनारायण कुँवर तथा सदस्यहरू जितेन्द्र थापा र रामबहादुर थापाको इजलासमा करिब ४ घण्टा बयान लिएको थियो भने त्यसपछि भएको थुनछेक बहसपछि अर्यालसँग ५० हजार रुपैयाँ धरौटी माग गर्ने आदेश गरेको थियो । उनी सोही दिन अदालतले माग गरेको धरौटी बुझाएर छुटेका थिए ।