कुलमानले प्रधानमन्त्री ओलीलाई प्राधिकरणको वार्षिक उत्सवमा दिए निम्तो

काठमाडौं । नेपाल विद्युत प्राधिकरणका कार्यकारी निर्देशक कुलमान घिसिङलाई पदबाट हटाउन वर्तमान सरकार लागि परेको विषय छताछुल्ल छ । यसको उदाहरण प्राधिकरणका दुई सदस्यलाई ठाडो आदेशमा निष्काशन गर्नु र अदालतले पुनरबहाली गर्नु नै हो । यसैबाट प्रष्ट हुन्छ की कुलमानलाई हटाउन सरकारले विभिन्न तिकडम गरिरहेको छ ।

कुलमानले विद्युतको महसुल नतिरेका ६ वटा उद्योगलाई बारम्बार महसुल तिर्न आग्रह गरेपछि पनि नतिरेका कारण विद्युत काटिदिएका थिए । ति उद्योगमा विद्युत काटिएको बेला प्रधानमन्त्री पुष्पकमल दाहाल ‘प्रचण्ड’ ले सरकारको बागडोर सम्हालेका थिए । दाहालको सत्ता ढलेपछि र नयाँ सरकार बनेपछि नेकपा ९एमाले०का अध्यक्ष केपी शर्मा ओली सत्तामा आउने वितिकै लाइन काटिएका उद्योगमा विद्युत जोड्न निर्देशन दिए । कुलमानले विद्युत जोडिदिए तर, समय अवधि नै दिएर बक्यौता नबुझाए फेरि विद्युत काट्ने चेतावनी नै दिएका छन् ।

विद्युत बक्यौताका विषयमा छानबिन गरिरहेको लेखासमितिले महसुल सम्बन्धी विल नै मागेपछि एक ट्रक विल पठाइदिएका थिए । त्यसको भोलीपल्ट कुलमानले आफ्नो कार्यकालको तीन वर्ष पुगेको अवसरमा पत्रकार सम्मेलन गरेर कम्पनीलाई नाफामा लगेको दाबी गर्दै तथ्याङनै सार्वजनिक गरे । उनले विद्युत महसुल घटाउदा पनि कम्पनी फाइदामा गएको तथ्याङ्क प्रस्तुत गरेका छन् । कुलमानको १० प्रतिशत शेयर सर्वसाधारणलाई विक्री गर्ने तयारी समेत गरिरहेका छन् ।

कुनै विवाद विना फाइदामा गराएका कुलमानविरुद्ध सरकार निरन्तर लागेपछि कुलमानका पक्षमा आन्दोलन सुरु भएको छ । कुलमानको पक्षमा शनिवार माइतिघरमा युवा जमातले आन्दोलन सुरु गरेपछि सरकार अलिक झस्केको धेरैले टिप्पणी गर्न थालेका छन् । आन्दोलनका क्रममा केहीलाई प्रहरीले पक्राउ समेत गरेको थियो ।

कुलमानको कार्यकाल २०८२ भदौ सम्म छ । तर प्रधानमन्त्री भने उनीविरुद्ध सार्वजनीक रुपमै उत्रीएपछि लोडसेडिङ हटाउने नायकका पक्षमा ठूलो युवा जमात सडक तताउन तयार भएको छ । राम्रो गर्छु भन्नेलाई राज्यले काम गर्न नदिएर सरकारले बंगलादेशको स्थिति निम्त्याउन खोजेको भन्दै आन्दोलन गर्न तयार छन् ।

वार्षिक उत्सवमा कुलमानले दिए प्रधानमन्त्रीलाई निम्तो

नेपाल विद्युत प्राधिकरणको भदौ १ गते वार्षिक उतसव हो । प्राधिकरणले वार्षिक उत्सवलाई भव्य तवरले मनाउन तयारी गरिरहेको छ ।
वार्षिक उतसवमा कुलमान घिसिङले प्रधानमन्त्री केपी शर्मा ओलीलाई प्रमुख अतिथिको निम्तो पनि दिएको हाम्रो स्रोत बताउछ । तर, कुलमानलाई जुनसुकै कदममा हटाउन लागि परेका ओली कार्यक्रममा जान्छन या जादैनन् यो भने हेर्न बाँकी छ । यस अघिका उत्सवमा प्रधानमन्त्रीहरु सहभागि हुने गरेका छन् । तर ओली र घिसिङको टकराव चलिरहेको छ ।

कुलमानका विरुद्धमा लागेका प्रधानमन्त्री ओली उक्त कार्यक्रममा गएभने कुलमानका पक्षमा आन्दोलनरत युवालाई कस्तो ढाडस दिन्छन् त्यो भने १ गतेको कार्यक्रमसम्म पर्खनै पर्ने हुन्छ ।

स्थितिलाई काबुमा राख्ने प्रयासमा सरकार

कुलमानका पक्षमा आन्दोलन बढ्न थालेपछि सरकारले स्थिति काबुमा राख्न सत्तारुढ दलका शिर्ष नेताहरुले घिसिङलाई कार्यकाल भर काम गर्न दिने औपचारी सहमति गरेको बुझिएको छ । एमाले–कांग्रेसबीच कुलमानको कार्यकाल भरी नै व्यावसायिक रुपमा काम गर्न दिने सहमति भएको बुझिएको छ ।

आन्दोलन सुरु भएपछि सरकार झस्केर कुलमानकाविरुद्ध थप कदम नचाल्ने मनस्थितमा पुगेको स्रोतको भनाई छ ।