दुई युवकमाथि वडाध्यक्षद्वारा निर्घात कुटपिट, अवस्था गम्भीर

नेपालगञ्ज । बाँकेको राप्ती सोनारी गाउँपालिकाका–२ का वडाध्यक्ष ज्ञानेन्द्र वली ‘ज्ञानु’ सहितको समूहले दुई युवालाई निर्घात कुटपिट गरि सक्त घाइते बनाएका छन् ।

प्रहरीले एमालेबाट निर्वाचित वडाध्यक्ष वलीलाई पक्राउ गरी इलाका प्रहरी कार्यालय कोहलपुरको हिरासतमा राखेको छ । ती दुई युवामाथि नारायण डाँगी, नवीन, लोके, ऋषि देवकोटालगायत करिब एक दर्जन युवा समुहले आक्रमण गरेको पनि प्रहरीले जनाएको छ ।

शनिबार राति दुई युवकलाई सख्त घाइते हुने गरी कुटपिट गरेका प्रहरीको भनाई छ । घाइते दुबैलाई उपचारका लागि भारतको लखनउ लगिएको छ ।

बाँकेका प्रहरी प्रमुख एसपी तुलबहादुर कार्कीले उनीहरू दुबैको अवस्था गम्भीर रहेको बताएका छन् ।

वडाध्यक्ष वलीले विगतमा गुन्डा नाइके चक्रे मिलन समूहमा आबद्ध रहेर काम गरेको पनि प्रहरीले जनाएको छ ।