पछिल्लो २४ घण्टामा थप १४ सय ५४ जनामा कोरोना पुष्टि

काठमाडौँ । पछिल्लो २४ घण्टामा नेपालमा थप १४ सय ५४ जनामा कोरोना संक्रमण पुष्टि भएको छ । ११ हजार १६७ पीसीआर परीक्षण गरिएकोमा १४ सय ५४ जनामा कोराना पोजेटिभ देखिएको हो ।

स्वास्थ्य तथा जनसंख्या मन्त्रालयले नियमित प्रेस ब्रिफिङका क्रममा शुक्रबार(आज) प्रवक्ता डा. जागेश्वर गौतमले सोही जानकारी दिएका हुन् । योसँगै नेपालमा कोरोना संक्रमितको संख्या ५१ हजार ९१९ पुगेको छ ।