राजस्व अनुसन्धान विभागको महानिर्देशकमा घिमिरे र सम्पत्ति शुद्धीकरणमा दाहाल नियुक्त

काठमाडौं । प्रधानमन्त्री तथा मन्त्रिपरिषद्को कार्यालय अन्तर्गतका दुई महत्त्वपूर्ण विभागमा महानिर्देशक नियुक्त गरिएको छ ।

सहसचिव द्वय चण्डीप्रसाद घिमिरेलाई राजस्व अनुसन्धान विभाग र सुमन दाहाललाई सम्पत्ति शुद्धीकरण अनुसन्धान विभागको जिम्मेवारी दिइएको हो ।
सरकारले केहि दिन अघि गरेको सहसचिव सरुवामा घिमिरे र दाहाल दुबैलाई प्रधानमन्त्री तथा मन्त्रिपरिषद् कार्यालय ल्याएको थियो भने राजश्व अनुसन्धान विभागका महानिर्देशक चक्र बहादुर बुढा र सम्पत्ति शुद्धीकरण अनुसन्धान विभागका महानिर्देशक कमल प्रसाद भट्टराईलाई अन्यत्र सरुवा गरेको थियो ।

दुबै जना महानिर्देशकलाई सरुवा गरिएपछि रिक्त रहेको राजश्व अनुसन्धान विभागमा घिमिरे र सम्पत्ति शुद्धीकरण अनुसन्धान विभागमा दाहाललाई पठाइएको हो ।

घिमिरे राजश्वकै क्याडर हुन् । दाहालले यस अघि भन्सार विभागको महानिर्देशक भइसकेका छन् । दुबै महानिर्देशक अनुभवी छन् ।