लुम्बिनी प्रदेशको वन मन्त्रालयले गर्यो ठुलो संख्यामा कर्मचारीको सरुवा

काठमाडौं । लुम्बिनी प्रदेशको वन तथा वातावरण मन्त्रालय मातहतका एकैपटक १२४ जना कर्मचारीको सरुवा गरेको छ ।

मन्त्रालयले अधिकृत स्तर आठौं तहसम्मका सो संख्यामा कर्मचारी सरुवा गरेको हो ।

मन्त्रालयले सार्वजनिक गरेको सरुवा लिष्टमा दुई वर्षभन्दा बढी कार्यरत सबै अधिकृत र रेन्जरहरूको नाम परेको छ ।

प्रदेश सरकारको नीतिअनुसार वन तथा वातावरणमन्त्री बादशाह कुर्मीले कर्मचारीको सरुवा गरेको बताएका छन् ।

दुई वर्ष अवधि पुगेका कर्मचारीलाई सबै कर्मचारीको सरुवा गरिएको हो ।

एकै स्थान र जिल्लामा बसेर लामो समय काम गर्दा कामको प्रभावकारिता घटेर जाने हुँदा सरुवा गरिएको मन्त्री कुर्मीले बताएका छन् ।