नेप्सेमा उच्च अंकको गिरावट

काठमाडौं । धितोपत्र बजार मापक नेपाल स्टक एक्सचेन्ज (नेप्से) मा उच्च अंकको गिरावट आएको छ ।

पछिल्ला दिनहरुमा उछाल आइरहेको सेयर बजारमा आज ७९ दशमलव ८८ अंकको गिरावट आएको नेप्सेले जनाएको छ ।

नेप्सेमा २ दशमलव ६८ प्रतिशतले गिरावट आउँदा बजार परिसूचक २ हजार ८ सय ९४ दशमलव ५७ बिन्दुमा झरेको छ ।

त्यस्तै आज कुल ४२ करोड, ६८ लाख ६ हजार ६ सय ४० कित्ता शेयर १९ अर्ब ७४ करोड ५ लाख ९३ हजार ८ सय मा कारोबार भएको नेप्सेले जनाएको छ ।

आज लघुवित्त समूहका लगानीकर्ताहरुले धेरै आर्जन गर्न सफल भएका छन् ।

आज कारोबारमा आएकामध्ये विन लघुवित्त वित्तीय संस्था लिमिटेड, उपकार लघुवित्त, आत्मनिर्भर लघुवित्त, थ्री स्टार हाइड्रोपावर लगायतका शेयर लगानीकर्ताहरुले धेरै कमाएका छन् । भने मन्दाकिनी हाइड्रोपावर, कुथेली साना जलविद्युत कम्पनी लगायतका लगानीकर्ताहरुले उच्च रकम गुमाएका छन् ।