सशस्त्रको ३० सेवा अवधि खारेज गर्न माग गर्दे परेको रिटमा सर्वोच्चले अन्तरिम आदेश दिएन

काठमाडौं । सशस्त्र प्रहरीको ३० सेवा अवधि खारेज गर्न माग गर्दे परेको रिटमा सर्वोच्चले अन्तरिम आदेश दिन अस्विकार गरेको छ ।
यो अदेशसँगै दुई जना डिआइजीसहित १६ जना भदौ १५ गते अनिर्वा अवकास हुनेछ ।

दुई जना नायव महानिरीक्षक (डीआईजी)सहित १२ जना अधिकारीले दिएको रिटमा सुनुवाइ गर्दै मंगलबार न्यायाधीश शारंगा सुवेदीको इजलासले अन्तरिम आदेश दिन अस्वीकार गरेको हो ।

सर्वोच्चले विपक्षीसँग कारण माग गरेको छ । रिटमा प्रधानमन्त्री तथा मन्त्रिपरिषद्को कार्यालय, गृह मन्त्रालय, सशस्त्र प्रहरी प्रधान कार्यालय र प्रहरी किताबखानालाई विपक्षी बनाइएको थियो ।

यही भदौ १५ गते राति १२ बजेपछि ३० वर्षे सेवा अवधिका कारण अनिवार्य अवकाश हुन लागेका डीआईजी अभिकुमार खत्री, दुर्गाप्रसाद भट्टराईसहित १२ जनाले आइतबार सर्वोच्च अदालतमा रिट दायर गरेका थिए ।

सर्वोच्च अदालतले अन्तरिम आदेश दिन अस्वीकार गरेकाले उनीहरु अवकास हुने निश्चित भएको छ ।