१०४ जना अधिकृत दीक्षित

काठमाडौं । प्रशासन सेवाका १०४ जना अधिकृतहरु दीक्षित भएका छन् । जसमा २० जना महिला र ८४ जना पुरुष दीक्षित भएका हुन् ।

नेपाल प्रशासनिक प्रशिक्षण प्रतिष्ठान ललितपुरले बिहीबार नेपाल प्रशासन सेवा, सामान्य प्रशासन समूहका तृतीय श्रेणीका नवनियुक्त अधिकृतको आधारभूत प्रशासन प्रशिक्षणपछि उनीहरूलाई दीक्षित गरिएको हो ।

उक्त तालिम २०८० फागुन १० गतेबाट नेपाल प्रशासनिक प्रशिक्षण प्रतिष्ठान ललितपुरमा सुरु भएको थियो ।

दीक्षान्त समारोह कार्यक्रममा संघीय मामिला तथा सामान्य प्रशासन मन्त्री राजकुमार गुप्ताले तालिमबाट प्राप्त ज्ञान र सीपलाई जनताको हितमा प्रयोग गर्नका लागि निर्देशन दिएका थिए ।