सुनको मूल्यमा नयाँ रेकर्ड, कतिमा हुँदै छ कारोबार ?

काठमाडौं । सुनको मूल्य हालसम्मकै उच्च भएको छ । नेपाल सुनचाँदी व्यवसायी महासंघका अनुसार नेपाली बजारमा आज प्रतितोला छापावाला सुनको मूल्य १ लाख ५३ हजार ४ सय रुपैयाँमा कारोबार सुरु भएको छ । यो मूल्य हालसम्मकै उच्च हो ।

महासंघका अनुसार अघिल्लो कारोबार दिन मंगलबार नेपाली बजारमा सुनको मूल्य १ लाख ५२ हजार ४ सय रहेको थियो ।
त्यस्तै आज प्रतितोला चाँदीको मूल्य १५ रुपैयाँले वृद्धि भएको छ । यसअघि मंगलबार चाँदीको मूल्य १ हजार ७ सय ६५ रहेकोमा आज १ हजार ७ सय ८० कायम भइ कारोबार भइरहेको महासंघले जनाएको छ ।