September 11, 2024
काठमाडौं । नेपाली कांग्रेसले उपसभामुख इन्दिरा राना मगरले मुलुकको शिर झुकाउने कार्य गरेको निष्कर्ष निकालेको छ ।
बुधबार बिहान बसेको कांंग्रेसका शीर्ष नेताहरूको बैठकले सो निष्कर्ष निकाल्दै राजीनामा दिनुपर्ने बताएको हो ।
ृउपसभामुखले मुलुकको शिर झुकाउने काम गरेको भन्दै राजीनामा दिएर मार्ग प्रसस्त गर्न अनुरोध गरेको छ ।
मगरले राष्ट्रसंघको ‘कमिसन अन द स्टाटस अफ वुमेन’ को ६७ औँ सत्रमा सहभागी हुन पाँच जनाको अन्तर्वार्ता अगाडि सारिदिन नेपालस्थित अमेरिकी दूतावासलाई पत्र लेखेकी थिइन् । चार पुरुष र एक महिलाका लागि उपसभामुखले पत्र लेखे पनि अमेरिका जान भने पाएका थिएनन् ।
२०२३ को फेब्रुअरीमा लेखेको त्यही पत्र केही समय अघि सार्वजनिक भएको थियो । पत्र सार्वजनिक भए लगत्तै उपसभामुख गम्भीर विवादमा परेकी छिन् ।
प्रकाशित मिति:September 11, 2024
