दिपेन्द्रको विस्फोटक ब्याटिङमा सुदूरपश्चिमले विराटनगरलाई दियो १८३ रनको लक्ष्य

काठमाण्डू, नेपाल प्रिमियर लिग (एनपीएल) मा सुदूरपश्चिम रोयल्सले विराटनगर किंग्सलाई १८३ रनको लक्ष्य दिएको छ।

कीर्तिपुरस्थित त्रिवि क्रिकेट मैदानमा टस हारेर पहिले ब्याटिङ गरेको सुदूरपश्चिमले ७ विकेटको क्षतिमा १८२ रन बनाएको हो। जारी प्रतियोगितामा यो सबैभन्दा ठूलो योगफल हो ।

सुदूरपश्चिमका कप्तान दिपेन्द्रसिंह ऐरीले शानदार अर्धशतक प्रहार गरे। उनले २४ बलमा नटआउट ५७ रन बनाए।

यस्तै, ब्राण्डन म्याकमुलनले २६ बलमा ३६ रन बनाए। विनोद भण्डारीले २३ र इसान पाण्डेले २१ रन जोडे।

विराटनगरका लागि अनिल खरेलले ३ विकेट लिए। क्रिस सोले, इस्लाम आलम र बसिर अहमदले समान एक/एक विकेट हात पारे।