अमेरिकाको क्यालिफोर्नियामा शक्तिशाली भूकम्प, सुनामीको चेतावनी जारी

एजेन्सी, अमेरिकाको क्यालिफोर्नियामा शक्तिशाली भूकम्प गएको छ ।

उत्तरी क्यालिफोर्नियामा नेपाली समयअनुसार शुक्रबार बिहान आएको भूकम्पको तीव्रता ७ म्याग्निच्युड मापन भएको अमेरिकी भौगर्भिक सर्वेले जनाएको छ ।

भूकम्पको केन्द्रकृत स्थान क्यालिफोर्नियास्थित पेट्रोलिया सहर नजिकको प्रशान्त महासागर रहेको अमेरिकी अधिकारीहरूले जनाएका छन् ।

भूकम्पको केन्द्र सो सहरबाट ४० माइलको दूरीमा थियो । भूकम्पले लाखौं मानिसलाई प्रभावित गरेको अनुमान गरिएको छ ।

भूकम्प आएलगत्तै सुनामीको चेतावनी दिइएको छ । कबिर ५३ लाख मानिस सुनामीको जोखिम रहेको बताइएको छ । सुनामीको चेतावनी जारी गरिएको थियो ।

भूकम्प आएको केही समयसम्म विद्युत् आपूर्ति बन्द भएको थियो । स्थानीय अधिकारीहरूका अनुसार भूकम्पबाट मानवीय क्षति वा कुनै ठूलो भौतिक क्षतिको सूचना प्राप्त भएको छैन ।

यद्यपि भूकम्पका कारण त्यहाँका सडक र अन्य संरचनामा क्षति पुगेको छ । भूकम्प प्रभावित क्षेत्रमा अहिले उद्धार कार्य भइरहेको बताइएको छ ।

अधिकारीहरूले आम मानिसलाई उच्च भूकम्प र सुनामीको जोखिमबाट बच्न आवश्यक कदम चाल्न सचेत गराएका छन् ।