असदको सत्ता ढलेपछि लेबनान र जोर्डनबाट धमाधम स्वदेश फर्किन थाले सिरियाली नागरिक

एजेन्सी, सिरियामा राष्ट्रपति बसर अल असदलाई सत्ताच्युत गरेको केही घण्टापछि छिमेकी देश लेबनान र जोर्डनबाट सिरियाली नागरिक धमाधम स्वदेश फर्किन थालेका छन्।

आइतबार सार्वजनिक तस्बिरमा उल्लिखित दुई देशबाट सिरियाली नागरिक सिरियाको सीमामा प्रवेश गरिरहेका देखिन्छन्।

समाचार एजेन्सी एएफपीका एक संवाददाताले लेबनान-सिरिया सीमामा मस्ना क्रसिङमा दर्जनौँ कार लाइनमा रहेका र भीडले बसर अल(असदविरुद्ध नारा लगाएको बताएका छन्।

जोर्डन निवासी एक व्यक्तिले समाचार एजेन्सी रोयटर्ससँग भने, म जोर्डनमा १२ वर्षदेखि छु। जब हामीले बसर अल-असदको सरकार पतन भएको खबर सुन्यौँ, तब हामी भावुक भयौँ। अब सुरक्षित रूमा देश फर्किन सक्छौ।”