एनपीएलमा कर्णालीको लगातार तेस्रो जीत, पोखरालाई ७ विकेटले हरायो

काठमाण्डू, काठमाडौंमा जारी नेपाल प्रिमियर लिग (एनपीएल) मा कर्णाली याक्सले लगातार तेस्रो जीत निकालेको छ ।

मंगलबार भएको दोस्रो खेलमा पोखरा एभेन्जर्सलाई ७ विकेटले हराउँदै कर्णालीले तेस्रो जीत निकालेको हो ।

पोखराले दिएको १ सय ४ रनको लक्ष्य कर्णालीले १५ ओभरमा तीन विकेट गुमाएर पूरा गर्‍यो ।

उसका लागि युवा अलराउन्डर गुलशनकुमार झाले ३७ बलमा तीन चौका र चार छक्कासहित अविजित ४९ रन बनाए ।

यस्तै, चाडविक वाल्टनले ३४ बलमा ६ चौका र एक छक्कासहित ४२ रनको योगदान दिए ।

पोखराका लागि विपिन खत्री, कप्तान कुशल भुर्तेल र सागर ढकालले एकरएक विकेट लिए ।

त्यसअघि कीर्तिपुरस्थित त्रिवि मैदानमा टस जितेर ब्याटिङ रोजेको पोखरा १६.३ ओभरमा १ सय ३ रनमै अलआउट भयो ।

उसका लागि दिनेश खरेलले २६, आन्द्रेस गौसले २५, रेमन रेफरले २० तथा कुशल भुर्तेल र विपिन खत्रीले १०र१० रन जोडे ।

कर्णालीका लागि अस्ट्रेलियन अलराउन्डर विलियम बोसिस्टोले सानदार बलिङ गरे । उनले ६ ओभरमा २८ रन दिएर ६ विकेट लिए ।

योसँगै बोसिस्टोले इतिहास रचे । उनी अब एनपीएलको एक खेलमा ६ विकेट लिने पहिलो बलर बनेका छन् । यस्तै, उनिश ठकुरी, विपिन शर्मा र सोमपाल कामीले एकरएक विकेट लिए ।

कर्णाली यो जीतपछि तालिकाको चौथो स्थानमा छ । उसले पाँच म्याच खेल्दा तीनमा जीत र दुई खेलमा हारको सामना गरेको छ ।

पोखराले चार म्याच खेल्दा तीनमा हार तथा एक खेलमा जीत निकालेको छ ।