नेपाल बैंकका तत्कालीन उपप्रबन्धक श्रेष्ठ १३ वर्षपछि पक्राउ

काठमाडौँ । नेपाल बैंक लिमिटेडका तत्कालीन उप-प्रबन्धक शशीकिरण श्रेष्ठलाई प्रहरीले पक्राउ गरेको छ । श्रेष्ठलाई प्रहरी वृत्त स्वयम्भूको टोलीले १३ वर्षपछि शुक्रबार पक्राउ गरेको हाे ।

उनलाई काठमाडौँको स्वयम्भूबाट पक्राउ गरिएको हो । काठमाडौँका एसएसपी वसन्त रजौरेले शशीकिरण श्रेष्ठ पक्राउ परेको बताए । आज काठमाडौँ जिल्ला अदालतमा पेस गर्नु पर्ने भए पनि सार्वजनिक बिदाका कारण उनलाई सोमबार मात्रै अदालतमा पेस गर्ने तयारी भइरहेको उनको भनाई छ ।

केही समय अघि अख्तियार दुरुपयोग अनुसन्धान आयोगले भ्रष्टाचार मुद्दामा श्रेष्ठलाई दोषी ठहर गरेको थियो । कर्जा प्रवाह गर्दा अख्तियारको दुरुपयोग गरेर उनले ३९ करोड ८९ लाख हानी गरेको आयोगको अनुसन्धान निष्कर्ष छ ।