सुनको मूल्य तोलामा २ हजार रुपैयाँले बढ्यो

काठमाण्डू, नेपाली बजारमा शुक्रबार सुनको मूल्य ह्वात्तै बढेको छ । आज सुन प्रतितोला २ हजार रुपैयाँले बढेको हो ।

यस्तै, चाँदी प्रतितोला २० रुपैयाँले बढेको नेपाल सुनचाँदी व्यवसायी महासंघले जनाएको छ ।

महासंघका अनुसार आज छापावाल सुन प्रतितोला १ लाख ५३ हजार ५ सय रुपैयाँमा कारोबार भइरहेको छ ।

बिहीबार छापावाल सुन प्रतितोला १ लाख ५१ हजार ५ सय रुपैयाँमा खरिदबिक्री भएको थियो ।

पछिल्लो केही दिनयता नेपाली बजारमा सुनको मूल्य निरन्तर उकालो लागिरहेको छ । बिहीबार सुन प्रतितोला ५ सय रुपैयाँले बढेको थियो ।

आज चाँदीको मूल्य प्रतितोला १ हजार ८ सय १० रुपैयाँमा खरिदबिक्री भइरहेको महासंघले जनाएको छ ।

बिहीबार चाँदी प्रतितोला १ हजार ७९० रुपैयाँमा कारोबार भएको थियो ।